• Благодарственный Спасителю, глас 4
  • Тропари иконам Божией матери Иерусалимской, глас 4
  • Безплотным Силам, глас 4
  • Ангелу хранителю, глас 6
  • Святителю Николаю, архиеп. Мир Ликийских, чудотворцу, глас 4
  • Спиридону, еп. Тримифунтскому, чдтв., глас 1
  • Великомученику Пантелеимону Целителю, гласЗ
  • Георгию Победоносцу, глас 4
  • Димитрию Солунскому, глас 3
  • Гурию, Самону и Авиву, испп., глас 5
  • Девяти мученикам Кизическим, глас 8
  • Сергию, игумену Радонежскому, всея России чудотворцу, глас 4
  • Серафиму, Саровскому чдтв., глас 4
  • Ксении Петербургской, блж., глас 7
  • Матроне блаженной, Московской, глас 2
  • Священник
  • И Богородичен, глас 8
  • И отпуст. Величание

  • Скачать 76.55 Kb.


    Дата06.04.2018
    Размер76.55 Kb.

    Скачать 76.55 Kb.

    Лик: Аминь Священник: Бог Господь и явися нам, благословен Грядый во имя Господне Лик



    Священник: Благословен Бог наш всегда, ныне и присно и во веки веков
    Лик: Аминь
    Священник: Бог Господь и явися нам, благословен Грядый во имя Господне
    Лик: Бог Господь и явися нам, благословен Грядый во имя Господне (трижды во глас 8)
    И настоящия тропари:

    Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, // Человеколюбче, слава Тебе.


    Благодарственный Спасителю, глас 4:

    Благодарни суще недостойнии раби Твои, Господи, / о Твоих великих благодеяниях на нас бывших, / славяще Тя хвалим, благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе.


    Тропари иконам Божией матери
    Иерусалимской, глас 4:

    Богорадованная Владычице, / препрославленная Мати щедрот и человеколюбия, / всемилостивая о всем мире Ходатаице! / Прилежно раби Твои ко Твоему предстательству прибегаем, / и ко пречудному образу Твоему со умилением, припадающе, молимся: / молитву теплую Сыну Твоему и Богу нашему сотвори, / о Всепетая Царице Богородице, / да от всяких болезней и печалей нас Тебе ради избавит, / и от грехов всяких свободив, / Царствия Своего Небеснаго наследники ны покажет: / велие бо и неизреченное яко Мати к Нему дерзновение имаши/ и вся от Него испросити можеши, // Едина во веки преблагословенная.


    Казанской, глас 4:

    Засту́пнице усе́рдная, / Ма́ти Го́спода Вы́шняго. / За все́х мо́лиши Сы́на Твоего́ Христа́ Бо́га на́шего, / и все́м твори́ши спасти́ся, / в держа́вный Тво́й покро́в прибега́ющим. / Все́х на́с заступи́, о Госпоже́ Цари́це и Влады́чице! / Иже в напа́стех и ско́рбех, и в боле́знех обремене́нных грехи́ мно́гими, / предстоя́щих и моля́щихся Тебе́ умиле́нною душе́ю, / и сокруше́нным се́рдцем, / пред пречи́стым Твои́м о́бразом со слеза́ми, / и невозвра́тно наде́жду иму́щих на Тя́, / избавле́ния все́х зо́л. / Все́м поле́зная да́руй, / и вся́ спаси́, Богоро́дице Де́во: // Ты́ бо еси́ Боже́ственный покро́в рабо́м Твои́м.


    Иверской, глас 1:

    От святыя иконы Твоея, о Владычице Богородице, / исцеления и цельбы подаются обильно / с верою и любовию приходящим к ней, / тако и мою немощь посети, / и душу мою помилуй, Благая, // и тело исцели благодатию Твоею, Пречистая.


    Безплотным Силам, глас 4:

    Небесных воинств Архистратизи, / молим вас присно мы недостойнии, / да вашими молитвами оградите нас / кровом крил невещественныя вашея славы, / сохраняюще ны припадающия прилежно и вопиющия: / от бед избавите ны, // яко чиноначальницы Вышних Сил.


    Ангелу хранителю, глас 6:

    Ангеле Божий, / хранителю мой святый, / живот мой соблюди во страсе Христа Бога, / ум мой утверди во истиннем пути, / и к любви горней уязви душу мою / да тобою направляема // получу от Христа Бога велию милость.


    Апостолу Фоме, глас 2:

    Ученик Христов быв, / Божественнаго собора апостольскаго сопричастник, / неверствием бо Христово Воскресение известив / и Того пречистую страсть осязанием уверив, / Фомо всехвальне, // и ныне нам проси мира и велия милости.


    Святителю Николаю, архиеп. Мир Ликийских, чудотворцу, глас 4:

    Правило веры и образ кротости, / воздержания учителя / яви тя стаду твоему, / яже вещей истина: / сего ради стяжал еси смирением высокая, / нищетою богатая, / Отче священноначальниче Николае / моли Христа Бога // спастися душам нашим.


    Спиридону, еп. Тримифунтскому, чдтв., глас 1:

    Собора Перваго показался еси поборник и чудотворец,/ Богоносе Спиридоне, отче наш. / Темже мертву ты во гробе возгласив, / и змию в злато претворил еси, / и внегда пети тебе святыя молитвы / Ангелы, сослужащия тебе, имел еси, священнейший. / Слава Давшему тебе крепость, / слава Венчавшему тя, // слава Действующему тобою всем исцеления.


    Великомученику Пантелеимону Целителю, гласЗ:

    Страстотерпче святый и целебниче Пантелеимоне, / моли милостиваго Бога, / да прегрешений оставление // подаст душам нашим.


    Георгию Победоносцу, глас 4:

    Яко пленных свободитель и нищих защититель, / немощствующих врач, / Царей поборниче, / победоносче велико мучениче Георгие, / моли Христа Бога / спастися душам нашим.


    Димитрию Солунскому, глас 3:

    Велика обрете в бедах / тя поборни ка вселенная, страстотерпче, / языки по беждающа. / Якоже убо Лиеву низложил еси гордыню, / и на подвиг дерзновенна сотворив Нестора, / тако, святе Димитрие, / Христу Богу молися // даровати нам велию милость.


    Гурию, Самону и Авиву, испп., глас 5:

    Чудеса святых Твоих мученик / стену необориму, нам даровавый, Христе Боже, / тех молитвами советы языков разори,/ Церковь святую укрепи, // яко един Благ и Человеколюбец.


    Девяти мученикам Кизическим, глас 8:

    Святии девяточислении мученицы, / от различных градов во един лик совокупившеся манием Божественным, / мужественно за Христа пострадасте, / невидимаго врага победисте, / зловерныя князи и мучители посрамисте вашим терпением, / огнем же любве Божия разжизаеми, / вещественно вас огнь мучащий в хлад преложисте, / темже дадеся вам от Христа Бога благодать / трясавичную исцеляти болезнь, от неяже и многовидных страстей, // милостивно спасайте и нас предстательством вашим, молимся.


    Сергию, игумену Радонежскому, всея России чудотворцу, глас 4:

    Иже добродетелей подвижник, / яко истинный воин Христа Бога, / на страсти вельми подвизался еси в жизни временней, / в пениих, бдениих же и пощениих образ быв твоим учеником; / темже и вселися в тя Пресвятый Дух, / Егоже действием светло украшен еси. / Но яко имея дерзновение ко Святей Троице, / поминай стадо, еже собрал еси, мудре, / и не забуди, якоже обещался еси, / посе­щая чад твоих, // Сергие преподобне, отче наш.


    Серафиму, Саровскому чдтв., глас 4:

    От юности Христа возлюбил еси, блаженне / и Тому Единому работати пламенне вожделев, / непрестанною молитвою и трудом в пустыни подвизался еси, / умиленным же сердцем любовь Христову стяжав, / избранник возлюблен Божия Матере явился еси, / сего ради вопием ти: // спасай нас молитвами твоими, Серафиме преподобне отче наш.



    Ксении Петербургской, блж., глас 7:

    Нищету Христову возлюбивши, / безсмертныя трапезы ныне наслаждаешися, / безумием мнимым безумие мира обличивши, / смирением крестным силу Божию восприяла еси. / Сего ради дар чудодейственныя помощи стяжавшая, / Ксение блаженная, моли Христа Бога // избавитися нам от всякаго зла покаянием.


    Матроне блаженной, Московской, глас 2:

    Богом умудренную блаженную старицу Матрону,/ земли Тульския процветение / и града Москвы преславное украшение,/ восхвалим днесь, вернии./ Сия бо света дневнаго не познавши, / светом Христовым просветися/ и даром прозрения и исцеления обогатися./ Пресельница же и странница на земли бывши, / ныне в чертозех небесных Престолу Божию предстоит // и молится о душах наших.


    Всем святым, глас 4:

    Иже во всем мире мученик Твоих, / яко багряницею и виссом, / кровьми церковь Твоя украсившися, / теми вопиет Ти, Христе Боже: / людем Твоим щедроты Твоя низпосли, / мир жительству Твоему даруй // и душам нашим велию милость.


    Священник: Слава Тебе Боже наш, слава тебе
    Лик: Слава Тебе Боже наш, слава тебе
    Священник: Пресвятая Богородице спаси нас
    Лик: Пресвятая Богородице спаси нас….
    Священник: Избави от бед и скорбей раб Твоих, Владыко Всемилостиве / яко мы усердно к Тебе прибегаем // милостивому Избавителю всех Владыце Господу Иисусу Спаси от бед рабы Твоя, Богородице, / яко вси по Бозе к Тебе прибегаем, // яко нерушимей стене и предстательству.
    Лик: Призри благосердием всепетая Богородице,/ на мое лютое телесе озлобление // и исцели души моея болезнь.
    Священник: Молите Бога о нас, ( зде глаголем имена поминаемых святых по чинам их) и вси святи
    Лик: яко мы усердно к вам прибегаем, // скорым помощникам и молитвенникам о душах наших.
    Еже радуйся Ангелом приимшая / и рождшая Зиждителя Твоего // Дево, спасай Тя величающия.

    Воспеваем Сына Твоего, Богородице, / и вопием: Пречистая Владычице, // всякия беды избави рабы Твоя.

    Недугов, и всяких болезней, / и бед нас свободи, // к священному Твоему покрову прибегающих.

    Слава отцу и Сыну и Святому Духу / Отца и Сына славословим / и Духа Святаго, глаголюще: // Троице Святая, спаси души наша.

    И ныне, и присно, и во веки веков Аминь. / Неизреченно в последняя заченшая / и рождшая Создателя Твоего // Дево, спасай Тя величающия.

    Милосердия двери отверзи нам, / благословенная Богородице, / надеющиися на Тя, да не погибнем, / но да избавимся Тобою от бед: / Ты бо еси спасение // рода христианскаго.


    Священник: Господу помолимся.
    Лик: Господи, помилуй.
    Священник: Яко Свят еси, Боже наш…
    Лик: Аминь.
    Ныне наста время, всех освящающее, / и праведный нас ждет Судия, / но обратися, душе к покаянию, / яко блудница, зовуще со слезами: // Господи, помилуй мя.

    Водами одождивый, Христе, источник исцелений,/ во всечестнем храме Девы днесь / Твоего благословения окроплением / отгоняеши недуги немощствующих, // Врачу душ и телес наших.

    Дево родила еси неискусобрачная / и Дева пребыла еси, Мати Безневестная, / Богородице Марие, // Христа Бога нашего моли спастися нам.

    Пресвятая Богородице Дево, / рук наших дела исправи / и прощение прегрешений наших испроси, // внегда пети нам ангельское пение:
    Святый Боже, Святый Крепкий, Святый Безсмертный, помилуй нас (трижды)
    Священник: Мир всем
    Лик: И духови твоему.
    И абие прокимен, глас 3: Господь просвещение мое / и Спаситель мой, кого убоюся?
    И чтется апостол, и Евангелие от Иоанна, зачало 14
    Таже мирная ектения и молитва на освящение воды.
    Священник: Спаси, Господи люди Твоя/
    Лик: и благослови достояние Твое, / победы православным христианом / на сопротивныя даруя, / и Твое сохраняя // Крестом Твоим жительство (трижды)
    И Богородичен, глас 8: Владычице прими молитвы раб Твоих // и избави нас от всякия нужды и печали.
    Священник: Помилуй нас, Боже
    Лик: Господи, помилуй (трижды)
    И отпуст.
    Величание: Величаем Тя, / Пресвятая Дево / Богоизбранная Отроковице / и чтим образ Твой святый, / имже точиши исцеления // всем с верою притекающим.


    Коьрта
    Контакты

        Главная страница


    Лик: Аминь Священник: Бог Господь и явися нам, благословен Грядый во имя Господне Лик

    Скачать 76.55 Kb.