• Пислэг луиз Зиллё
  • Гитлер но Берия сопал дуннеын

  • Скачать 52.15 Kb.


    Дата15.06.2017
    Размер52.15 Kb.
    ТипУрок

    Скачать 52.15 Kb.

    Писпулы вӧсь ук!



    Писпулы вӧсь ук!

    (Улонысь учыр)


    Пиналъёслэсь кыче луэмзэс туж зеч тодыны луэ, соосты экскурсиосы нуллыку. Школаын, урокъёсын гинэ, чик тырмыт адзоно овол.

    Сизьыл, туж чебер куазь дыръя, писпуос зарни дэремъёсын сылыку, куатети классын дышетскись пиналъёсын мынимы нюлэскы экскурсие. Мынон сюрес азямы нырысь ик сюре бадзым , паськыт но мур тыметмы, со сьорын - нялмыт гурезь. Гурезь бамын чошкыт инты – возь -стадионмы -, нош котыраз будо портэм пумо писпуос, али соос сюанэ дасяськем нылъёс выллем туж синмаськымонэсь сыло.

    Азьло, колхозъёс кылдыку но берлогес, та интыын туж узыр колхоз сад вылэм. Бервылыз али но адзиське на: писпуос полын отын но татын кыр улмопуос горд-горд векчи емышъёсынызы пишто.

    Пиналъёсы со улмопуосты синйылтизы но, сютэм кечъёс музэн, ваньзы, одиг нылаш сяна, омырскизы яблокпу вылэ: вайёссэ тияло, со векчи палэзь кадесь чырс улмоосты вожмаськыса сиё, утыр сяласько…

    Нылпиосты уг тодмаськы ни – воштиллям, кожалод. Котькудиз куинь-ньыль вайёссэ чигтыны вуттиз.

    Нош со нылаше-эшсы бызьыса доразы тубиз но куанер писпуэз мугорыныз сайяз: «Визьтэммиды-а, мар-а?! Писпулы вось ук! Малы чиньыоссэ тияськоды?!»

    Соку гинэ валатскизы, кыче умойтэм выризы – ваньзы йырзэс ошизы, киысьтызы вайёс кырым пыдэсъёссэс сутыны кутскизы, лэся, - музэ сэрпаллязы.

    Мукет нуналаз юромо сизьымети классэз отчы ик нуи: эскереме потиз, таосыз но озьы ик-а меда сьосьяськозы? Со интые вуимы. Чакласько, мар меда карозы?

    Адзизы яблокпуэз, чыж-чыж емышезлы паймизы. Мынэсьтым юало: «Яра-а коня ке улмозэ веръяны?» «Веръялэ, но соос туж чырсесь,дыр,» - шуисько.

    Одиг вайзэ но чигтытэк, чакласькыса гинэ кырымазы бичазы, веръязы, монэ куноятизы. Нош Сашиксы янгышен одиг вайзэ чигтыны шедьтиз – ну возьытэ вуттизы ук! «Али ик писпулы йыбыртты, вождэ эн потты, озьы ноку но уг кары ни, шу!» -эшсэс косо.

    Саши чыжектиз, улмопу улэ пыдесъяськиз но ас понназ лушкемен маке сипыртиз.

    Нош мон ас поннам тау кари со дышетисьлы, кин пиналъёсты тазьы визьнодаз.




    Пислэг луиз Зиллё

    Басня
    Кык пислэгъёс зиллё сямен

    Дышетскизы вераськыны.

    Соку гинэ вордскем пизэс

    Зиллё кыллы дышетизы.

    Чебер уг лу вераськемзы,

    Зиллё сямен зильыртэмзы.

    Озьы ке но пислэг гурзэс

    Уг пот ни чик поттылэмзы.

    Пичи пислэг туж жог будиз.

    Паймод, ява, йоно луиз!

    - Пислэг овол тылобурдо,

    Мон соослэсь трос пол визьмо!

    Уг яратскы пислэг гурез,

    Зиллё мыным ведь мусогес.

    Паспорт басьто – зиллё гожто,

    Нимме одно ик мон вошто.
    Кин бен янгыш та учырын?

    Малы пинал йыромемын?



    Возьыт луиз

    Верос
    Туннэ Эдик кухняын дежурной. Дежурить карон черод туж шаплы вуэ кадь потэ пияшлы. Ма уз, пе, вуы. Семьяязы соос вить кузя гинэ. «Коть дас кузя мед луысалмы, соку кема дежурство ой вуысал»,- куддыръя малпа пичи пи. Вить полысь эшшо одигез уг быгаты на сузяськыны. Какой сузяськыны! Ачиз сиськыны но уг быгаты ай вож нунызы. Нэнэзы шуэ, Русланлэн, пе, кык гинэ ужез ай: нононо но изёно. Нош Эдик пиналъёссы полысь самой бадзымез. Солы азьтэмъяськыны уг яра. А то, пе, пичи сузэрез ,Гали, солэсь адзем кароз. Ма Эдик азьтэм овол но… Тани пу пыртаны, кыед гидысь куяны со уг акыльты, нош со тусьты-пуньы миськонэз адзонтэм каре. Соин ик дежурить карон нуналэз самой секыт нуналэн лыдъя. Огшоры суп-сап ужаны уг луы уго. Кухняязы график ошемын. Котькуд нунал оценка пуктэ нэнэзы.

    Гали нырысети классын ке но дышетске, солэн «ньыльёс» но «витьёс» гинэ. Нош Эдиклэн «куиньёсыз» но трос . Я со тэркыосты кезьыт вуэн гинэ гылтэ но воесь кельтэ, я жокез чылкыт уг чушылы, я чашкаосты, чик миськытэк, шкафе тыре, я выжез алама чуже, усем нянь пырыосты кельтэ…

    Нэнэзы сыче дыръя атайзылэсь ужам бервылзэ возьматъяз: «Учке ай, со пиосмурт ке но, кыче зеч утялтиське. Атайды сузяськем бере, ваньмыз чильк-вальк кисьтаське». Ма , Эдиклэн туж потэ атаез кадь луэмез, но малы меда мыл уг поты?

    Тани туннэ жытсэ сиськизы но, ваньзы кухняысь, тау карыса, потизы. Эдик но тубиз. Борысьгес, пе, ужало. Кылем урокъёссэ дышетиз на, нош собере книга лыдзыны кутскиз. Яратэ пияш лыдзиськыны. Сиён эн сёты, книга гинэ мед луоз. Али лыдзе француз писательлэсь Александр Дюмалэсь люкам сочинениысьтыз куинети томзэ. Ну, тунсыко! Дугдытскемез уг луы ни. Соослэн куатети классысьтызы Дюмалэсь книгаоссэ Эдикен Владикъёс гинэ лыдзо ай.

    Книгаеныз сэрен, пияш дежурствоез сярысь вунэтиз. Нэнэез тодаз вайытылиз ик но, Эдик «али ик» вазьылиз но нош ик лыдзиськоназ выйылиз.

    Дыр жог ортчиз. Дас час вуиз. Атайзы изьыны выдыны команда сётиз.

    Чукна синзэ усьтыкуз ик, Эдиклэн тодаз лыктиз дежурствоез сярысь. «Эх,

    «кык» пуктозы ини, чай юыны но кухняе васькыны возьыт!»- жаляса малпаз пияш. Мисьтиськиз - мараз но, йырзэ ошыса, кухняе пыриз. Семьязы чай юэ вал ини. Котькытын чылк-чылк утялтэмын. Озьыен, нэнэзы уйшоре, пичи вынзэс изьтыса, Эдиклэсь лэсьтоно ужзэ быдэстэм. Номыр оз куаретэ мумы-бубыосыз. Чал-чал сиськизы но кин кытчы дыртизы.

    Эдик дисьтытэк учкиз график шоры. Солэн нимыз вадьсы толло нуналлы юан пус пуктэмын вал. Нош улияз выль листоке гожтэмын: «Одиг муртлэн азьтэмъяськемез семьяысь мукет адямилы мултэс ужен берытске».

    Посьвуаськиз кадь Эдик. Нэниез жаль потиз.

    Жытазе сиськемзы бере, Эдик, нокин косытэк, тусьты-пуньыосты миськыны кутскиз. Рос-прос утялтиськыса, кухняысь потиз но нэнэез доры мыниз. «Нэнэ, мон быдэс арня дежурить каро»,- юн куараен вераз пияш. Нэниез пальпотиз.



    Гитлер но Берия сопал дуннеын
    Кылем уе кышкыт вотай,

    Сыче вотэз ой адзы ай.

    Азям кылдиз сопал дунне –

    Отиз отчы Инмар монэ.


    Отын ваньмыз ик лобало,

    Я жутисько, я лэзисько.

    Кык ос азьын мон сылисько –

    Кудаз меда та пыроно?


    Мынам но бурдъёсы вань ни.

    Кути но паллянэ лобзи.

    Таиз болет луэ,пе, ад!

    Татын улон шимес пырак!


    Адэ сюро сюлэмтэмъёс,

    Лушкаськисьёс, йырвандисьёс,

    Асьсэ понна сюлмаськисьёс,

    Алдаськисьёс но тордосъёс.


    Нокинэ но уг тодмаськы,

    Тодмо муртэ уг адзиськы.

    Таиз понна шумпотисько,

    Родняеным данъяськисько.


    Угось тодско: удмурт калык

    Нылпиоссэ визьма тырмыт.

    Соос будо лякыт сямо,

    Ужез гажась, кырзась, сюлмо…


    Адысь потэ туж адземе

    Сьось Гитлерез, Берияез.

    Соос вылын бадзым сьолык:

    Быдтылэмын коня калык!


    Быдзым ожез Гитлер мытиз!

    Коня калык вирез кисьтиз!

    Потэ вылэм киултэмез

    Кас киыныз Европаез!


    Нош Берия ож бере но

    Зуч калыкез быдтиз уно.

    Юнме шорысь пытсаллязы,

    Тюрьмаосын сисьтылизы.


    Со ужъёссы понна кызьы

    Кыл кутизы Инмар азьын?

    Потэ вал тодэме мынам,

    Лек вожпотон гыбдаз сюлмам.


    Ого, тани соос,тани!

    Лы-сьомъёссы адско ини.

    Зырдам таба вылын пыжо,

    «Вось!» - шуыса, черекъяло.


    Мон соосты ой жаля чик.

    «Сое арад, мае кизид!»

    Пыро ай мукетаз осэ,

    Таиз сюрес нуэ рае.

    Райын улон чылкак мукет –

    Вож-вож садо шулдыр болет.

    Но мар таче – шуак сайкай,

    Койка дорам – мусо анай!


    12.10.2015 ар.

    Коьрта
    Контакты

        Главная страница


    Писпулы вӧсь ук!

    Скачать 52.15 Kb.