• Уроклэн мынонэз. I
  • «Тодьы бумага вылын суредамын корка, нош со возын сылэ пичи ныл
  • Лыдзонэз азьланьтыса тодиськомы, кыче ответ сётйз Таня Людалэн юанэзлы
  • Веранэз пумозяз лыдзоно.
  • Верос бордын ужанэз азьланьтон.
  • («Гожтэт», «Анай­лы гожтэт», «Кикы», «Толсяська» но мукет.)
  • V. Гуртэ

  • Скачать 92.49 Kb.


    Дата26.02.2019
    Размер92.49 Kb.
    ТипУрок

    Скачать 92.49 Kb.

    Уроклэн темаез: Л. Я. Малых. «Вите со анайзэ»



    Конспект урока.

    8-тй классын удмурт литературая урок



    Уроклэн темаез: Л.Я. МАЛЫХ. «ВИТЕ СО АНАЙЗЭ»

    верос

    Мугьёсыз: 1)малпаськытись юанъёс рос-прос валэктон сётыны;

    2) лыдземъя ас малпандэ вераны, дунъет сётыны, текстысь

    кулэзэ бырйыны дышетоно;

    3)лыдзиськыны мылкыдзэс жутоно, анайен нылп кусыпъёсты

    одзытон; анайлы яратон мылкыд пычатон.

    Уже кутэм материал: «Инзарекъян» бичет. (Урок ортчытиське дугдылыса лыдзон амалэн.), копьютер (слайдъёс).


    Уроклэн мынонэз.
    I.Орг момент

    II. Кырзан кылзон.

    (кылзисько «Пиёке» шуэм кырзан)

    Пиналъёсын вераськон нылпиос сярысь. Детдом нылпиос сярысь вераськон.

    Малы соос шезё детдоме? Кин виноват татын? Кыче пеиналъёс шезё?



    Малы кушто анайёссы? Слайд №1

    III.«Анай» кыллы дэмен кластер лэсьтон (нырысь ас понназы, собере дэмен

    доска вылэ, слайд №2)



    IV. Верослэ пнуштросэз бордын ужан.

    1.Туннэ тодматскомы Лия Малыхлэн веросэныз. Верослэсь нимзэ али уг вераськы. Л ыдземмы бере асьтэос нималоды, собере чошатом авторлэнэныз.


    2.Вакчияк автор сярысь.(Лыдзоз дышетскись)

    Лия Малых Шаркан ёросысь Вортча Починкаын вордскиз. 1982-ти арын УдГУ-лэсь филология факультетсэ йылпумъяз. Гожъяськыны кутскиз Быги школаын дышетскыкуз ик. «Удмурт дунне» газетлэн редакцияз ужакуз ини, рос-прос басьтиськиз веросъёс, выжыкылъёс кылдытъян борды. Лыдзисьёслы соос газет но журнал бамьёсын потамзыя тодмо луо 2006 арын солы Ашальчи Окилэн Национальной премилэн лауреатэз ним сётэмын.

    3.Веросэн тодматскон.

    Веросэз лыдзомы дугдылыса, пумен эскерыса, берло кластермы доры берытскомы.

    (Веросэз ачим лыдзисько «Гожтэт» предложение дорозь.)



    Куазь жомо-югдо вал ини. Вылаз ик, кезьытгес но кариськиз. Магазинме ворсай но дыртыса вамышти дор палам. Зукыр-зукыр! шуккиське урам кузя гын сапегъёс улэ пачкам лымылэн бордэмез. Почта ящик возти ортчыкум синиылти пеймыт вужерез. Матэгес кариськи. Адзисько, ящик доры пыдчиньыяськыса сузьтиськыны выре пичи нылаш. Гожтэтсэ куштыны выроньяз, монэ со кылэм-адзем ик бз кары. Йырысьтыз тодьы мамык кышетэз ик гылзем ни. Кечат пальтоезъя тодмай чош дышетскем эшелэсь нылзэ, Людаез.

    Вай, нылы, юртто, — ой чида ни курадземзэ учкыны.

    Люда мон пала берытскиз но киоссэ жогак мышказ ватиз. Гожтэтсэ талалозы кожаз, лэся. Кышкаса но дисьтытэк шорам учкизы сьод синъёс. Токыль-токыль бамьёсыз кузя синкылиос васько. Монэ тодмамез бере нылашлэн ымдуръёсаз пальпотон воректиз. Эбылям киыныз мычиз ньыль полэс куасалтэм бумагаез.

    • Map maчe?

    • Мамаелы гожтэт.

    • Гожтэт ?

    Д. Кыче юанъёсты кылдо тиляд Людалэн анаез, гожтэт сярысь? Кытын анаез?

    Висе шат? Оло, кыт-чы ке кыдёке кошкемын? (Пиналъёс малпанъёссэс верало.)

    (Лыдзонэз «Тодьы бумага вылын суредамын корка, нош со возын сылэ пичи ныл» кылъёс дорозь азьланьтоно.)



    Бен,со вал пичи муртлэн гожтэтэз. Конверттэк, нокыче букваостэк. Тодьы бумага вылын суредамын корка, нош со возын сылэ пичи ныл.

    Д. Ма сярысь ивортиз тиледлы «гожтэт»?

    (Пичи ныл анайзэ возьма шуыса. Гожъяськыны уг быгаты на.)

    (Л ыдзоно «Нош мар со толсяська» дорозь.)

    Паймемме шодыса, лэся, нылаш валэктыны дыртиз:

    • Песянай гожъя, нош мамае уг берты. Уг вуо, дыр, дораз гожтэтъёсыз. — Собере данъяськыса кадь будэтиз на: Со ведь туж кыдёкын улэ, Северын.

    • Бен, кыдёке кошкиз мамаед. — Нош ас поннам малпай: «Пегзиз, нылы, мумид. Мултэс луиз уго солы «пельтосысь» шедьтэм нуныез. Толэзь ортчиз-а, оз-а вордскемез бере, Ва,ляез «толпериос» нош ик городэ нуыса кошкизы. Отын сое жог кыскем ас бордаз мойыгес воргорон. Тон но кулэ од луы ни, песянаен-песятаедлы кузьмаса кельтиз. Солы угось аслэсьтыз улонзэ радъяны кулэ вал...»

    Нош Люда вера но вера мумиз сярысь...

    Таня апай, тодиськоды-а, мынам мамае кыче


    чебер? Киноысь артистъёс кадь ик. Бадзым-бадзым
    фотографиез синучкон борддоре ошемын. Песянае
    шуэ, мон быдэсак солы кельшисько. Синъёсы но,
    йырсие но. Шорам учкыса, пе, мамаеным адзиськем
    кадь потисько. Весь зыгыръя, весь чупа.

    Людалэн мадемезъя, мынам пушкы пумен вожпотонэн но, паймонэн но пачылме: «Map анай сюлэм со ? Куать ар чоже одиг пол но оз адзиськы! Ышиз-быриз».
    Песятай нош куаретэ, нылашлэн куараез ог-дырлы но уг чалмылы. Одиг тдлсяськаен оз тырмы на, кыкетизэ будэтиськод! Собере шуак мыньш вазиськиз: «Таня апай, нош мар со толсяська?»

    Д. Кызьы асьтэос та кылэз валаськоды? (Нылпиос малпанзэс тетрадязы гожто, собере шара верало.)

    (Толсяська — пустоцвет, емыш сётисьтэм сяська. Валялэн нылыз вань ке но, сое со куштиз, вунэтиз.)

    — Таня интыын пичи ныллы кыче валэктон сётысалды? (Нылпиос малпанзэс верало, Танялы зэмзэ вераны уг яра, Людалэсь сюлэмзэ вось карыны уг яра шуыса.)


    Лыдзонэз азьланьтыса тодиськомы, кыче ответ сётйз Таня Людалэн юанэзлы:

    Мон могак луи. Ымнырам вир ик пальккиськиз. Ярам коть, Люда сое пеимытэн оз шоды.

    Толсяська — со ... куке чебер сяськаез тол кыдёке, кыдёке нуыса кошке.



    Веранэз пумозяз лыдзоно.

    Хо, кызьы, пе, тдл мот нуоз аи. Мон ведь бадзым ини. Интыысьтым но вырзытэмез уз луы, йдн-йдн кариськиз Люда.

    Тол нуыны уз быгаты, нош Тол Бабай тонэ зыгыръям ни кадь. Уть ай, чиньыосыд но зонгыраллям ни. Песянаен-песятаед но кынтоссэс ыштизы, дыр. Озьы-а? каньылля гинэ нылашез зыгырти но, со вань мугорыныз бордам кыстиськиз. Коня ке озьы сылэме бере вази ни: «Я, нылы, бызь ини гуртад, нош гожтэттэ мон ачим ысто».

    Кема чоже йырысьтым оз поты та пумиськон.

    «Эх, Люда, Люда. Кыче возьма со мемизэ. Ялан вите небытэсь киосыныз маяллямзэ-вешамз. Пинал сюлэм весь оске: мамаез кыдёкысь ужьёссэ лэсьтоз но сое ас дораз улыны басьтоз. Песянаез но озьы шуэ ук.

    Нылаш кияз жоген портфель кутоз ни. Дышетскоз лыдъяскыны,гожъясь-кыны. Тожтэтъёс но мукет сямен гожъялоз. Нош луоз на-а меда соос по

    лын анаезлы гожтэмез?»

    Верос бордын ужанэз азьланьтон.

    (Котькуд нылпилы йыръянтэк текст сётоно.)


    Д. Текстысь «кезьыт» кылъёсты шедьтэ но гожтэ, собере лыдзе.

    «Кезьыт» кылъёс

    Пельтос Зонгыраллям

    Тдлпери Север

    Тдлсяська Тол Бабай

    Кынтос Кезьыт

    — Малы та «кезьыт» кылъёс текстын трос гинэ пыртылэмын? (Пичи ныллы кезьыт, малы ке шуоно анаезлэн шунытэз солы уг тырмы.)



    Дышетйсь. Берытскомы кластер доры. Тупа-а та схемамы Валялы — анайлы? (Эскеро но лэсьто вывод, уг тупа шуыса.)

    — Кызьы нимасалды веросэз?

    Нылпиос ас малпанзэс верало («Гожтэт», «Анай­лы гожтэт», «Кикы», «Толсяська» но мукет.)

    — Нош автор нимам «Вите со анайзэ» шуыса. (Авторлэн нимыз сярысь вераськон).

    Рефлексия. Синквейн гожтоно.

    Валя

    Чебер, сюлэмтэм

    Вордйз, куштйз, кошкиз

    Нылзэ воштйз шулдыр улонэн

    Яке: весь каре егит сюлэмез

    Яке: берло жалялоз тазьы лэсьтэмзэ

    Кикы: яке толсяська

    V.Гуртэ уж. Валялы телеграмма яке гожтэт гож­тоно.

    VI.Уроклы йылпумъянъёс.

    Лыдзисько анай сярысь кылбур.



    Малых Лия Яковлевна Шаркан ёросысь Вортча Починкаын вордскиз. 1982-ти
    арын УдГУ-лэсь филология факультетсэ йылпумъяз. Гожъяськыны кутскиз Быги
    школаын дышетскыкуз ик. «Удмурт дунне» газетлэн редакцияз ужакуз ини, рос-
    прос басьтиськиз веросъёс, выжыкылъёс кылдытъян борды. Лыдзисьёслы соос
    газет но журнал бамьёсын потамзыя тодмо луо. 2006 арын солы Ашальчи
    Окилэн Национальной премилэн лауреатэз ним сётэмын.


    Коьрта
    Контакты

        Главная страница


    Уроклэн темаез: Л. Я. Малых. «Вите со анайзэ»

    Скачать 92.49 Kb.